Psa 32 | HUI | STEP | Mbirali ibunaga ko biniru Anduane Homogohanda domo wahalu mana liahe biniru mo wahene kago ibu turubiore ka.

a 32.1Iba 85.2, 103.3

b 32.2Yo 1.47, 2 Ko 5.19

c 32.1-2Lm 4.7-8

d 32.3Iba 31.10, 38.8, 39.2-3

e 32.5LBM 26.40, 2 Sml 12.13, Yob 31.33, Iba 103.12, 1 Yo 1.9

f 32.6Iba 46.1-3, 69.1, 69.13

g 32.7Hgn 5.1-31, Iba 31.20, 91.1, 121.7

h 32.8Iba 25.8, 33.18

i 32.10Iba 16.4, Min 13.21, Lm 2.9

j 32.11Iba 7.10, 64.10, 97.12

Psalms 32

Ko binigo latagi holenebi Ngode Datagaliwabehanda domo waholenenagabi ogo

1 Mbirali ibunaga ko biniru Anduane Homogohanda domo wahalu ^a
mana liahe biniru mo wahene kago
ibu turubiore ka.
2 Mbirali Anduane Homogohanda ko bira lene nabiagabi ^b
ibuni miniha mo hondo holene mbira nawiore kagobi
ogoni ibu baya turubiore ka. ^c

3 I̱na ko biruru ogo biru lalu lapani nahe donge ho howa ^d
mbiraga horombebi miniha u̱lu̱ lalu haabo hewaria
i̱naga tingini bia ko halu homabeheore haru.
4 Anduane Homogo-o mbiraga horombebi í̠na i̱ pani ngiaabo hari.
Ani birigome i̱naga hongo bibahendeore pirilipe hai haya.
Dadimba tanini bereneru gaeangi poboyogo biragome yo biaganedagua
i̱naga hongo ogonidagua biya.

5 Ani biyagola i̱na ko biniru Anduane Homogo í̠ langirugoni. ^e
Ko mbira do nahe howa binirubi tigatiga langiai harugoni.
Ko biruru Anduane Homogo í̠hondo lapaniore hole lo manda bu henegobi
lapani hai harugoni.
Ani birugola í̠na ko biruruni domo wahai harigoni.

6 Ani biaga kago manda buwa ^f
Anduane Homogo í̠naga wali agali mini bilinahe karu
bibahendeme ti burupale kangi í̠hondo bi lolene nga.
Genda timbuni iba li ale ti kagoria anda íbu ngangi í̠hondo bi layagua
genda timbuni ogoni ti namu nalolebira.
7 I̱naga ha do anda í̠ kegoni. ^g
Gendabi ngangi í̠na i̱ biamogo birili.
I̱ homedolego ibugua ogodagua mo wiya lalu
maru hale helo iba gana dalimu lalu lamulebero.
Í̠na i̱ mo wiriligonaga ani lolebero.

8 Anduane Homogohanda lalu, ^h
Í̠ hariga pobelogo i̱na walia haga bulebero.
I̱na í̠ handaya ho howa
ogodagua bia ogodagua nabibe laga bialu langulebero.
9 Nogo hosi dongirume mini nawi howa piagadagua pialu keria
í̠ hariga polene ngadagua pobelo
ege pu ne hanganeha magui howa
pume hende howa haru poliya holeni, lalu leda.

10 Mini kowi karu ti tandaga timbuni nalu haga. ⁱ
Anigo Anduane Homogoha hanaho haga karu
ti ibunaga gubalini holenehayagi howa yo pialu pugu biaga.
11 Anduane Homogohanda bigi biyago mitangi bialu mini tigabiwi kamiru ^j
ti gubaliniha turuore halimu.
Ibugua bi ledadagua bialu kamiru
tí turuore howa ga̱ lalu ladaga halimu.